A Garda Civil informou de que dá por finalizada a recollida de mostras
A Garda Civil levantou o cordón de seguridade nos montes A Veiga onde se atoparon restos óseos, xusto nas inmediacións nas que aparació o vehículo do home holandés desaparecido a principios de 2010.
Deste modo, o instituto armado informou de que dá por finalizada a recollida de mostras e restos nos montes de Lamalonga, no lugar coñecido como Ás Touzas de Azureira, onde foi achado o vehículo de Martín Verfondern, no medio dun piñeiral e lonxe da pista de acceso.
Durante a mañá proseguiu a busca co apoio do can do equipo cinológico do Pardo, dependente da Policía Xudicial de Madrid. Entre outros elementos, atopou un cranio en anacos, restos óseos desperdigados por varios metros cadrados, ademais de restos de roupa deteriorada a poucos metros de onde se descubriu o todoterreno Chevrolet, sen placas de matrícula, ao outro lado da pista forestal.
As probas de ósos, aínda sen identificar, e o resto de elementos atopados serán analizados no Instituto de Medicina Legal de Galicia (Imelga) e no laboratorio central da Policía Xudicial da Garda Civil, en Madrid. Ademais, decretouse o segredo sumarial.
