A proposta da Rúa para o Nadal
Este Nadal, A Rúa quíxose centrar no apoio ao comercio local cunha iniciativa denominada “Eu Merco na Rúa”, unha campaña para dinamizar o comercio local durante as festas do Nadal. Más de 40 establecementos decidiron unirse á actividade que premia o consumo que se realice en cada comercio con vales de participación que se dan aos clientes cada 15 euros de gasto. Cando finalicen as festas, realizarase un sorteo, o día 10 de xaneiro, de 20 vales de 50 euros entre todos os participantes para gastalos no comercio local.
Son os propios veciños, os responsables de que a vila luza de maneira tan sobresaliente e divertida. E fixérono de dúas formas diferentes, a primeira, a través de dúas asociacións, a asociación San Cristóbal, que decorou a casa do concello e colocou un gran belén na Praza do Concello, e a asociación Sabugueiro, que decorou a zona da Rúa Vella e Fontei. A segunda fórmula foi a través dun concurso de Decoración de Nadal.
Programa do Nadal
Entre as vindeiras citas a ter en conta en A Rúa están a visita do Apalpador (hoxe, ás 18,30 horas), a Festa da Empanada de Costrelas (mañá, ás 14,00 horas), a XII Carreira e Andaina do Nadal e a visita de Papá Noel, o 24 de decembro, “O nadal máxico”, de Os Bolechas, o día 27 e o último día do ano “Despedindo o 23” (Brinde comunitario, Praza do Concello).
