Foi aprobado por unanimidade no pleno
A Deputación de Ourense comunicou a través da Comisión Informativa do mes de maio, a cesión ao organismo por parte do Concello de Xinzo da estrada municipal de Xinzo a Vilar de Barrio, con orixe na N-525 e remate na vía provincial OU-1102 en Sarreaus.
A corporación municipal de Xinzo aprobou en pleno e por unanimidade, a proposta do grupo socialista de cesión do vial ao organismo provincial para o seu mantemento e conservación.
Nos últimos anos e tal e como sinalou o edil de Obras, Manuel Casas, aumentou o tráfico rodado de xeito exponencial no vial, polo que a conservación da capa de rodadura supón un gasto considerable.
