Os Populares de Xinzo rexistraron unha moción este luns para pedir melloras na rede de telecomunicacións, pois aseguran que o servizo é deficiente e que existen numerosas queixas dos veciños. "Entender o noso día a día sen internet e unhas boas telecomunicacións é imposible. É necesario estar conectados co mundo tanto sexa por traballo, estudos, información ou actividades lúdicas", explican dende o Partido Popular limiao. Nesta liña, aseguran que este servizo non se está a prestar como debería na vila e nos pobos, e lamentan que a cobertura telefónica tampouco é boa, do mesmo xeito que a velocidade das conexións non é suficiente. "Chega con ler as queixas que aparecen nas redes sociais, as que se poden escoitar a veciñas e veciños ou as incidencias recibidas na Oficina do Consumidor", din dende o grupo da oposición.
Segundo o PP de Xinzo, a resposta dada aos usuarios sobre as deficiencias no servizo é que a vila conta, actualmente, "cun so nodo", o cal satúrase con facilidade e por eso as empresas non suministran o servizo contratado. O PP solicitou ao Grupo de Goberno -así como ás empresas- que arranxe esta cuestión.