Que o mosteiro de San Rosendo é un dos mellores estudados de Galicia, é unha aseveración que poderían referendar moitos profesores de historia da Universidade de Santiago e da facultade de Humanidades de Ourense.
De toda esa inxente documentación, que en máis dunha ocasión me ten servido como aval para contar esta ou aquela anécdota, permítame o lector traer a colación -cando se conmemora a resistencia contra Napoleón- unha que recolle un libro certamente curioso que escribiu un moxe anónimo no ano 1815 (logo se cumprirá o bicentenario) e que baixo o título "Rosendo y Celanova, a la hora de la despedida" transcribiron os profesores da universidade compostelá, Andrade Cernadas e García Oro.
Nel, o anónimo cronista dos últimos anos da comunidade bieita, relata con extrema minuciosidade cómo se desenvolve a vida cotiá no cenobio celanovés. E non só dende a perspectiva do "ora et labora" -que tamén-, senón debullando a relación da comunidade monacal coa poboación inmediata, así como con aqueloutras situadas a carón das máis de tres ducias de igrexas dependentes do seu arcedianato.
Nese ámbito da relación da abadía coa poboación local enmárcase a que hoxe quero traer a colación porque ten que ver co paso dos franceses -"La Francesada", di o escribán- por estas terras do sur da provincia e coas limosnas que dende tempo inmemorial recibían as xentes do lugar de mans dos responsables da vida monástica celanovesa. Di así:
"Los vecinos de Celanova y su tierra se asoman diariamente a la Portería recabando la limosna tradicional. Estan fijadas cuantías y también definidas las necesidades, sin que falten las cautelas normales pues entre los indigentes hay también oportunistas. La Francesada trajo el desconcierto; se suprimió la limosna vecinal y se requisaron los graneros y depósitos. Celanova se quedó vacía porque su vecindario hambriento huyó, despavorido, a la vista de las bayonetas francesas. La tormenta pasó, pero dejó su resaca triste: el reajuste. En los años en los que se escribía este memorial cundió la opinión de que urgía poner orden y medida en la distribución de las ayudas y limosnas, dando unha cierta preferencia a los feligreses de las parroquias propias de la abadía de Celanova. Era el nuevo orden incierto que se estaba imponiendo cuando se redactaba este memorial".
A crise económica e social provocada polos franceses trouxo con ela outra fórmula de reparto que queda recollida no seguinte parágrafo: “…desde el mes de Junio hasta que se haya cogido el maíz, se da todos los días en la portería un gran caldero de caldo gallego bien condimentado, al qual concurren con sus concas, a la hora de las 12, los pobres…”. É dicir, as xentes acudían ó convento coas súas “calderetas” á procura do caldo, e de aí nos ven o nome de “Calderetas” a nós.
