Darwin. Este novo ano que agora comeza será o do centenario do nacemento de Charles Robert Darwin, biólogo británico e mente brillante que sentou as bases da teoría da evolución, ó teorizar o concepto de evolución das especies a través dun lento proceso de selección natural. O aniversario será o 12 de febreiro na súa localidade natal de Shrewsbuy: de feito hai anos que nesa data os científicos celebran o Día de Darwin. Veremos qué sucede noutras latitudes. Hai varios estados norteamericanos -Georgia, Kansas, Kentucky, Oklahoma e Virxinia do Oeste- que poñen en dúbida nas escolas as teorías do pai do evolucionismo e só admiten a interpretación literal da Biblia. É a América involucionista, baixo o pulo da ultradereita relixiosa, tan fortalecida na época Bush. Debe ser un espectáculo un profesor de Ciencias explicando a orixe do home e rebatendo a Darwin: gustaríame velo.
