Unhas 114.000 persoas visitaron a mostra 'Exlibris Gallaeciae. Dous libros de Galicia' que levou ao Arquivo da Cidade da Cultura algunhas das 'máis valiosas xoias bibliográficas' galegas.
Así o explicou a Xunta nun comunicado, no que recordou que a mostra, que foi inaugurada o día 25 novembro, foi prorrogada ata esta semana debido á afluencia de público.
Segundo explicou a conselleria de Cultura e Turismo, atendendo ao seu valor educativo, 'Exlibris Gallaeciae. Dous libros de Galicia' contou cun programa de visitas didácticas que achegou o seu contido a 17.470 alumnos, de niveis que ven dende Primaria ata a universidade.
En concreto, o departamento que dirixe Roberto Varela detallou que foron 243 os centros escolares que concertaron unha desas visitas do programa que tamén se abriron a aulas de terceira idade, clubes de lectura e centros socioculturais.
Comisariada polo ex presidente da Real Academia Galega, o catedrático Xosé Ramón Barreiro, e polo actual secretario desta institución, o profesor Xosé Luis Axeitos, 'Exlibris Gallaeciae' mostra unha selección de 83 pezas bibliográficas que trazan un percorrido pola construción da cultura galega e que van dende o primeiro dos documentos nos que aparece a palabra 'Gallaeciae' ata a era do libro electrónico.
Segundo explicou a conselleria de Cultura e Turismo, atendendo ao seu valor educativo, 'Exlibris Gallaeciae. Dous libros de Galicia' contou cun programa de visitas didácticas que achegou o seu contido a 17.470 alumnos, de niveis que ven dende Primaria ata a universidade.
En concreto, o departamento que dirixe Roberto Varela detallou que foron 243 os centros escolares que concertaron unha desas visitas do programa que tamén se abriron a aulas de terceira idade, clubes de lectura e centros socioculturais.
Comisariada polo ex presidente da Real Academia Galega, o catedrático Xosé Ramón Barreiro, e polo actual secretario desta institución, o profesor Xosé Luis Axeitos, 'Exlibris Gallaeciae' mostra unha selección de 83 pezas bibliográficas que trazan un percorrido pola construción da cultura galega e que van dende o primeiro dos documentos nos que aparece a palabra 'Gallaeciae' ata a era do libro electrónico.
