O luns os gañadores poderán presentar a documentación no Concello de Xinzo para recibir o importe correspondente
O Concello de Xinzo de Limia acaba de dar a coñecer os gañadores dos premios do “Concurso de Disfraces e Carrozas do Entroido de Xinzo”, onde se repartiron 3.000 euros.
No Desfile do Entroido 2024 participaron un total de 30 grupos, carrozas e charangas acompañando ás pantallas. No referente ó concurso de disfraces e carrozas, segundo o Concello, o veredicto do xurado foi moi difícil, debido a altísima calidade das diferentes propostas presentadas a este certame.
Para as carrozas con estructura, o primer premio de 900 euros, foi para “Os de sempre” e o segundo premio, de 500 euros, foi para “Circo danzón”.
Para as comparsas de oito ou máis integrantes, o primer premio de 800 euros, foi para “Vagalumes” e o segundo premio de 400 euros, foi para “Guerreiras do mar”. Os individuais ou grupos de menos de 8 integrantes, o primer premio de 200 euros, foi para “Hermanos Sabala” e o segundo premio de 100 euros, foi para “A tómico”.
“Parabéns pola vosa creatividade e inxenio. O domingo de piñata, ás 18,45 horas, no palco da Orquestra, farásevos entrega do diploma que acredita a obtención do premio”, comunican dende o Concello de Xinzo de Limia.
A partir do luns, os gañadores poderán presentar a documentación no Concello para recibir o importe correspondente.
