Un total de 65 pacientes permanecen ingresados en hospitais de Galicia en relación co virus da gripe, 18 deles na Unidade de Coidados Intensivos (UCI) dos centros correspondentes.
O número de pacientes falecidos en Galicia en relación ao virus da gripe aumentou a 36, segundo os datos confirmados este mércores pola Consellería de Sanidade a Europa Press.
Así, na campaña actual de gripe faleceron en Galicia 36 pacientes ingresados en hospitais de Ourense (2), Vigo (8), Santiago (2), Lugo (4), Ferrol (3), Pontevedra (3) e A Coruña (14).
Un total de 65 pacientes permanecen ingresados en hospitais de Galicia en relación co virus da gripe, 18 deles na Unidade de Coidados Intensivos (UCI) dos centros correspondentes.
Segundo o informe de 'Vixilancia da gripe en Galicia' publicado este mércores pola Consellería de Sanidade, recollido por Europa Press, o número de chamadas rexistradas no 061 por gripe segue en descenso.
As notificacións recibidas ata a data, segundo o informe de Sanidade, fan que o total de ingresos se sitúe en 779, cunha asistencia en UCI que continúa sendo do 17 por cento. Sanidade destaca, ao respecto, que se observa, como é habitual dende a semana seis, "un descenso continuo no número de pacientes ingresados por semana".
