O propietario da ferralla sorprendeu onte á muller cando saía do terreo onde se encontraba o almacén nun turismo no que levaba a mercadoría
Axentes da Garda Civil do Posto de Arzúa detiveron a unha veciña de Lugo de 18 anos como presunta autora dun delito de furto de ferralla valorada en tres mil euros.
O propietario da ferralla sorprendeu onte á muller cando saía do terreo onde se encontraba o almacén, en Arzúa, nun turismo no que levaba a mercadoría, informan hoxe fontes do instituto armado.
O home logrou reter á moza mentres se poñía en contacto cos axentes da Garda Civil que, unha vez presentados no lugar, procederon á detención da muller e á devolución do material substraído ao seu lexítimo dono.
A detida foi posta a disposición do Xulgado de Instrucción de Arzúa.