O Consello de Ministros aprobou hoxe a execución das obras para cubrir o caixón ferroviario da futura estación de alta velocidade de Vigo-Urzáiz, cuxo orzamento de licitación supera os 29,18 millóns de euros.
Segundo explica o Goberno na referencia dos acordos adoptados polo Consello, a cuberta do caixón ferroviario estará composta por dous nivies de forxa sobre vías e plataformas, cos seus correspondentes piares, e suporá 'un paso imprescindíbel' para a realización da nova estación de Vigo-Urzáiz
O Ministerio de Fomento adxudicou no pasado xaneiro as obras da nova infraestrutura ferroviaria da futura estación -quince metros por debaixo da anterior terminal-, que comezarán no próximo día 24, cun orzamento de 68,4 millóns.
A execución das obras da nova estación requiriu o traslado dos servizos que se prestaban en Urzáiz á estación provisional de Vigo-Guixar, inaugurada polo ministro de Fomento no pasado 27 de agosto.
