O secretario xeral de Compromiso por Galicia (CxG), Xoan Báscuas, explicou que a formación decidirá nunha convención nacional, que se celebrará o próximo 25 de xaneiro, 'cál será' a súa forma de concorrer ás eleccións europeas, encontro no que 'a afiliación será soberana'. 'Na convención nacional a xente poderá facer propostas cun número determinado de avais ou apoios, que se poden conseguir ata o propio día da convención e, a partir de aí, debaterase, someterase a votación', indicou tras participar no consello Nacional que a formación celebrou en Santiago.
Neste escenario, recordou que 'hai case un ano CxG 'contactó coas agrupacións comarcais para ver cales eran as vías de exploración para chegar a este punto', momento no que se falou 'da candidatura galega e de intentar articular algunha acción co PNV'. 'Agora hai que tomar unha decisión, na que a afiliación será soberana e determinará en que contexto estados', sinalou.
