Galicia atoparase este martes baixo a influencia das altas presións, co seu centro localizado entre Azores e a Península Ibérica, e cunha fronte cálida que se vai ir achegando ao longo do día polo Atlántico. Así, espéranse néboas matinais no interior, localmente persistentes, e ceos en conxunto pouco anubrados, con algunhas nubes de tipo medio e alto durante o día.
Xa durante a tarde irán entrando algunhas nubes máis importantes polo Oeste de Galicia, segundo as predicións de MeteoGalicia, departamento dependente da Consellería de Medio Ambiente.
O vento soprará frouxo de dirección variable ou con predominio do compoñente Sur, tendendo a aumentar en intensidade pola tarde no litoral Noroeste. Pola súa banda, as temperaturas experimentarán un lixeiro ascenso en xeral, aínda que con xeadas en zonas do interior.
Así, a máxima corresponderá a Vigo, Pontevedra e A Coruña, con 15 graos, e o resto dos valores máximos moveranse entre os 14 e 7 graos. Polo seu lado, as mínimas descenderán ata os 3 graos baixo cero en Lalín e os demais oscilarán entre os -2 e 5 graos.
O vento soprará frouxo de dirección variable ou con predominio do compoñente Sur, tendendo a aumentar en intensidade pola tarde no litoral Noroeste. Pola súa banda, as temperaturas experimentarán un lixeiro ascenso en xeral, aínda que con xeadas en zonas do interior.
Así, a máxima corresponderá a Vigo, Pontevedra e A Coruña, con 15 graos, e o resto dos valores máximos moveranse entre os 14 e 7 graos. Polo seu lado, as mínimas descenderán ata os 3 graos baixo cero en Lalín e os demais oscilarán entre os -2 e 5 graos.
