VIDA

De aldea en aldea, en Cartelle

Os Reis Magos non faltaron a súa cita co Concello de Cartelle. Por segundo ano, e como medida preventiva, cambiouse a gran festa que tiña lugar en Outomuro onde os Magos de Oriente recibían un a un aos cativos para escoitar as súas peticións, por unha singular cabalgata na que foron visitando  pobo a pobo a cada nena e neno do concello e os que pasan estas datas de lecer en familia.

A ilusión e os nervios vianse nas caras da cativada ante tan especial visita que, na noite do día 5 deixarían os seus agasallos polo comportamento exemplar que tiveron ao longo do ano e as boas notas. Agora toca volver a portarse aínda mellor para que para o ano todo mellore.