1
/
6
Na Lixoteca desta semana toca poñer a proba a túa puntería cun divertido xogo, para o que necesitaremos uns materiais moi fáciles de conseguir: unha botella de plástico baleira (de 1,5 litros é perfecta), un pouco de corda, unha pelotiña de ping pong, cintas adhesivas de cores, tesoiras e un pouco de pegamento.
2
/
6
O primeiro paso será preparar a botella para que nos sirva de canasta deste orixinal xogo. Ábrea pola metade e sécaa ben por dentro para non mollarte mentres preparas o xogo. A parte que imos necesitar é a de arriba pero non tires a outra porque podemos empregala noutra Lixoteca, para facer un lapiceiro, por exemplo.
3
/
6
Cando elimines os restos de líquido que poida haber dentro da botella, pon un pouco de cinta adhesiva sobre todo o borde por onde recortaches. O plástico pode quedarche cortado de forma irregular e poderías cortarte sen querer, así que non saltes este paso. Podes aproveitar para darlle uns toques decorativos con outras cores.
4
/
6
Corta agora un pouco de corda -arredor duns 50 centímetros- e engánchaa coa tapa da botella. Tan só terás que abrila, meter un pouco de corda para dentro polo bico e volvela enroscar asegurándote de que queda ben amarrada. Se xa o tes, chegou o momento de rematar este divertido xogo.
5
/
6
Falta unha cousa moi importante no outro extremo da corda. Sabes cal é? Exacto! A pelotiña! Para asegurar, nós démoslle un punto de pegamento coa pistola de silicona, pero podes enganchar a corda na bola cun pouco de cinta adhesiva que pegue ben. Pon bastante para poder xogar sen preocuparte de que escape.
6
/
6
