1
/
6
Agora que chega o inverno e moitos días non poderás saír a xogar ó aire libre por mor do mal tempo, imos construír un campo de fútbol moi divertido. Tan só necesitaremos: unha caixa de cartón, un cúter, pintura verde e pincel, un rotulador branco, dúas palliñas e unha pelotiña de ping pong.
2
/
6
Non hai campo de fútbol sen unhas boas porterías, porque senón, non poderías marcar goles. Así que imos comezar por elas. Co cúter e a axuda dun maior para non mancarte, corta dous rectángulos nos lados máis curtos da caixa. Mira que sexan do mesmo tamaño para que ningún dos xogadores teña vantaxe.
3
/
6
E tampouco hai campo de fútbol sen as súas áreas correspondentes. Pero antes, imos pintar toda a superficie de verde para simular un campo de verdade e que o xogo sexa máis interesante. Axúdate dunha brocha un pouco gorda para que este paso sexa máis rápido e poidamos comezar a xogar canto antes.
4
/
6
Agora si que imos marcar as áreas. O primeiro será mirar onde está o centro do campo para saber cal é o terreo de cada xogador. Podes miralo cunha regra para que os dous xogadores teñan a mesma superficie de xogo. Cando o teñas, marca tamén as áreas das porterías.
5
/
6
Xa case estamos listos para comezar! Tan só nos falta coller dúas palliñas e a pelotiña de ping pong. Imos empregar este tipo de bola porque ó xogar soprando necesitamos que non pese demasiado, así o xogo será máis emocionante e a pelotiña moverase con máis velocidade.
6
/
6
