1
/
6
Hai en total seis grupos de alimentos. Seguro que che sonan todos, pero sabes para que serve cada un na túa dieta? O primeiro deles son os lácteos e derivados. Como indica o nome son aqueles que proceden do leite, coma o queixo, a manteiga, os iogures… Ademais de aportarlle calcio ós teus ósos, son un aporte de proteínas. Pero ollo coas graxas!
2
/
6
A segunda categoría son as carnes, os peixes e os ovos; é dicir, tódolos alimentos de procedencia animal. Os seus beneficios para a túa saúde son que che aportarán moitas proteínas para ter enerxía e tamén vitaminas do grupo B. Deste grupo tampouco deberás abusar, pero si incorporalos para unha dieta variada.
3
/
6
Imos agora coñecer a legumes, tubérculos e froitos secos. Fibra, proteínas e hidratos de carbono son os aportes que conseguiras cos alimentos deste grupo. Os legumes, en concreto, son moi sans para ti e ofrécenche moito ferro, así que non o dubides cando esteas fronte a ese prato de garbanzos ou lentellas.
4
/
6
Os grupos catro e cinco son verduras e hortalizas e froitas. Seguro que ti xa sabes tódalas cousas boas que teñen para o teu corpo os alimentos desta categoría así que trata de cumprir esa regra de cinco pezas diarias e un pouquiño de verde sempre nos teus pratos para estar san e forte.
5
/
6
Os cereais son os que mandan no último grupo. Para levar unha dieta equilibrada son imprescindibles. Podes incorporalos, por exemplo, ó teu almorzo, pero vixía ben que non teñan moito azucre cando os merques. Outra forma de comelos é en pan, mellor integral e con moitos cereais.
6
/
6
