Xornal Escolar
Novos proxectos en Salesianos
O segundo trimestre chega coas pilas cargadas ás aulas de Salesianos, que despediron os últimos días do ano pasado con grandes actividades e proxectos que se prolongarán nos vindeiros meses. No primeiro apartado, o alumnado de Bioloxía e Xeoloxía de cuarto de ESO e primeiro de Bacharelato mantivo unha videoconferencia coa isla de La Palma na segunda Xornada ConCiencia deste curso, actividade divulgativa organizada polo Seminario de Ciencias Experimentais. Xunto a eles estivo o vulcanólogo lucense David Calvo Fernández, que lles explicou as tarefas de investigación que o INVOLCAN e outros grupos científicos levan a cabo na illa.
Mentres, un grupo de 13 profesores de Salesianos que imparten Inglés e outras materias plurilingües, tiveron unha xornada de formación sobre a metodoloxía “Jolly Phonics”, un método de lectoescritura para aprender inglés a través de sons que se está implantando en Salesianos. Para os alumnos supón, ademais, un xeito divertido e atractivo de aprender con máis naturalidade.
Este programa ven a reforzar outras moitas actividades levadas a cabo en inglés neste centro, como son os diferentes programas de inmersión lingüística no estranxeiro, os exames Cambridge de certificación, o Bacharelato Americano ou a presencia dunha docente nativa de inglés en tódalas aulas, entre outras.