Coincidindo coa presentación do poemario “A mar, amar”, do poeta Xosé Luna, o colexio da Ponte presentou ó seu coro, formado por alumnos do centro educativo que estaban desexando facer o seu debut musical. Con un repertorio composto polos versos do autor, os alumnos ourensáns estiveron acompañados tamén por alumnos do colexio Virxe da Penda da Sela do Irixo.
A primeira actuación do coro da Ponte foi un auténtico éxito, recibiron moitos aplausos dos centos de persoas que asistiron ó acto no Liceo, entre os que estiveron tamén representantes da Xunta de Galicia e outros artistas convidados. O evento foi conducido pola mestra do colexio Susana Godoy.
