O traballo realizado polo alumnado de cuarto de Educación Primaria do colexio Manuel Sueiro de Ourense para participar no concurso escolar do Exército de Terra de 2023, baixo o título “Mirando sin ver”, foi galardonado co primeiro premio a nivel nacional despois de resultar, tamén, gañador da fase rexional. O premio consiste nunha aportación de 4.500 euros, unha placa e un diploma, que deberá recoller unha representación do centro o próximo día 29 de xuño en Madrid. Antes, hai unhas semanas, o xeneral de brigada, Alfonso Pardo, xa fixo a entrega do primeiro premio a nivel autonómico nun acto celebrado no centro educativo.
