A entidade levará a cabo diversas actividades co obxectivo de fomentar a integración dos colectivos de migrantes
O Centro de Desenvolvemento Rural O Viso levará a cabo distintas actividades ao longo do mes de febreiro co obxectivo de buscar a integración dos colectivos de migrantes e de axudar ás familias en situación de emerxencia social.
A entidade repetirá o curso de español básico para estranxeiros os luns e mércores en horario de 16,30 horas a 19,30 horas e reeditará o programa "Intégrate" os xoves pola tarde de 16,30 horas a 18,30 horas, onde se impartirán habilidades sociais e se falará sobre temas de saúde.
A entidade repartiu esta semana produtos básicos de alimentación e hixiene a 15 unidades familiares en situación de vulnerabilidade. Esta axuda fíxose extensiva a unhas 100 persoas da comarca.
Outras entidades como Gadisa ou Coren Grill de Xinzo de Limia colaboraron co CDR na doazón de alimentos para os máis necesitados.
