Galiza Nova Arnoia – A Limia, a organización xuvenil do BNG, realizou o pasado sábado 23 de decembro na Praza Maior de Xinzo a xa tradicional recollida solidaria “De man a man”.
Nesta IV edición, as doazóns foron principalmente alimentos, xoguetes e roupa. Un ano máis, a celebración da recollida volve ter a colaboración de Cáritas, entidade receptora de todos os produtos.
Como novidade, tamén se sumou o apoio do Concello de Vilar de Santos, obtendo ademais unha grande cantidade de bens.
En definitiva, sinala a militancia comarcal, “ademais de cumprir o obxectivo principal, axudar ás familias necesitadas, esta actividade tamén nos permite sensibilizar cunha situación de precariedade económica derivada do sistema vixente”.
“A xente trae a comida, xoguetes e roupa, e no Concello de Vilar de Santos levámolos a Cruz Roxa”, comentou Antonio Míguez, alcalde de Vilar de Santos.
Cincuenta kilos de comida, xoguetes e roupa foron recollidos en total pola organización xuvenil do BNG, Galiza Nova Arnoia - A Limia.
Os integrantes e participantes na campaña esperan poder seguir realizando a tradicional recollida solidaria “De man a man” moitos anos máis na comarca, dado o éxito da presente edición.
