Este sábado é o Día Mundial das Aves Migratorias e dous dos mellores lugares para practicar turismo ornitolóxico na provincia de Ourense están no Complexo húmido da Limia e, concretamente, nas Areeiras de Sandiás.
Xa no 2016 o programa Galicia Birding posto en marcha pola Xunta, recomendaba A Limia como un dos destinos galegos máis adecuados para a observación de aves. O portal propuña aos interesados un total de catro roteiros pola comarca onde poder visualizar e fotografar as aves máis características da zona.
Continuando por esa senda, o Concello de Sandiás, a través do proxecto Ruta de Aves polas Areeiras de Sandiás, subvencionado no seu momento pola Axencia Galega de Turismo, ven de señalizar roteiros para a observación de aves na zona das areeiras. A ruta é de fácil acceso dende a estrada principal, ten en conta os percorridos das rutas de Galicia Birding, inclúense os dous observatorios de aves existentes, a distancia e dificultade está adaptada a unha gran variedade de usuarios, dende nenos ata persoas de avanzada idade con 5,5 km e desniveis case inexistentes. A ruta percorre as marxes das areeiras cun proceso de restauración máis avanzado, e ambas marxes da Canle Principal da Lagoa de Antela.
As persoas interesadas poderán percorrer as rutas sinalizadas e desfrutar das aves.
