Xinzo Adiante critica que a planta "estará situada a escasos 400 metros das primeiras casas de Parada de Ribeira"
O grupo municipal Xinzo Adiante ven de emitir un comunicado en resposta ás declaracións feitas polo alcalde de Xinzo, Antonio Pérez e á información enviada pola empresa Opaín S.L. Nos dous casos deféndese a legalidade do proxecto da planta asfáltica de Parada de Ribeira, sinalando que obtivo os informes sectoriais favorables da Xunta de Galicia.
Neste senso, Xinzo Adiante critica que a planta "estará situada a escasos 400 metros das primeiras casas de Parada de Ribeira" e que, ademais, coa instalación da mesma "soamente gaña a empresa propietaria, xa que non hai constancia de que se vaia a crear ningún posto de traballo". A formación política di tamén que "este tipo de fábricas afectan ao medioambiente", xa que producen "contaminación do aire a través de numerosas partículas". Dende Xinzo Adiante acusan ao rexidor local de gobernar "de espaldas ao pobo" e solicitanlle "que traballe polo dereito á protección da saúde dos cidadáns".
