Prolongarase ata o vindeiro domingo, día 21 de marzo
Os fieis alaricanos celebrarán dende o pasado venres, día 12 de marzo, e ata o vindeiro domingo, día 21 de marzo, a novena na honra a San Benito, patrón da vila.
As oracións, tal e como informaron dende a Unidade Parroquial de Allariz, terán lugar ao longo dos próximos días laborables ás 08,30 horas da mañá, e ás 19,00 horas da tarde -a excepción do venres 19 de marzo, San Xosé, que serán ás 10,00 horas e ás 19,30 horas-.
Por outra banda, o sábado as citas relixiosas celebraranse ás 11,00 horas da mañá e ás 19,00 horas da tarde, e o domingo, día 21, ás 10,00 horas, ás 12,00 horas e ás 19,30 horas.
Por último rezarase o Rosario media hora antes da misa das tardes e haberá posibilidade de realizar confesións.