A iniciativa do Concello de Allariz de “O Peto dos Desexos” regalou dous premios de 250 euros e cinco de 100 euros entre os clientes do comercio e hostalería da localidade que tiveron que xuntar os seus tíquets de compra ata alcanzar un valor de 30 euros para poder conseguir estos premios.
As persoas agraciadas con 250 euros foron Sonia Plácido Rodríguez e Rosa Fernández Quintas. Con 100 euros foron Iría Barreiro Costas, Iker Revilla, Carla González Taboada, José Antonio Pereiras Recemil e Irene Varela Barrio.
Tamén se extraeron sete papeletas de reservas por se algún dos premiados non cumprirán as condicións do sorteo. As persoas premiadas do “Peto dos Desexos” de Allariz disporán de todo o mes de xaneiro para gozar dos seus premios no comercio local.
A concelleira de Promoción Económica, María López, amosouse satisfeita pola alta participación no sorteo do “Peto dos Desexos” e quixo agradecer as compras no comercio de proximidade, porque “mercar en Allariz sempre ten premio”, declarou María López.
Cristina Cid, alcaldesa de Allariz, e María López, concelleira de Promoción Económica, Turismo e Comercio, quixeron lembrar que mercar en Allariz sempre ten premio, porque dinamiza a economía local e axuda aos veciños da vila xerando emprego.
