O primeiro, titulado "Facemos un Matisse?", será o día 10 de abril e está dirixido a nenos de 5 a 12 anos
A Galería Circular de Allariz pechou o seu programa de obradoiros para o segundo trimestre. O primeiro, titulado "Facemos un Matisse?", será o día 10 de abril e está dirixido a nenos de 5 a 12 anos. O segundo, para maiores de 18 anos, será o 24 de abril e titúlase "Monotipos" .
O 8 de maio celebrarase o titulado "Pintura cavernícola", para rapaces de 5 a 12 anos e o 15 de maio impartirase o titulado "Autoedición", para maiores de 18 anos. En xuño haberá outros dous, un o día 12, titulado "Arte low-cost", para rapaces de 5 a 12 anos, e outro o día 19, baixo o título "Punta seca", para maiores de 18 anos.n
