Con motivo das datas de Nadal, o Concello de Maceda poñerá en marcha a súa ludoteca para os cativos de entre 4 e 12 anos deste municipio. Este servizo estará dispoñible os días 22, 23, 27, 28, 29 e 30 de decembro de 2021 e tamén os días 3, 4, 5 e 7 de xaneiro do vindeiro 2022 -o horario será de 11,00 horas a 13,00 horas-.
As actividades previstas desenvolveranse, sempre seguindo a normativa sanitaria por mor do covid, no edificio multiusos de Maceda, aínda que, puntualmente, algunhas desenvolveranse en exteriores sempre e cando a meteoroloxía así o permita.
As inscricións xa se poden realizar na Oficina de Servizos Sociais do Concello de Maceda ou ben chamando por teléfono ao 988 46 37 61. A data límite para anotarse será o 20 de decembro e haberá límite de prazas. O prazo podería ampliarse se, chegado o momento, non se cubriran as prazas.
