A conselleira de Medio Ambiente, Territorio e Vivenda, Ángeles Vázquez, e o alcalde de Paderne de Allariz, José Manuel Fernández, mantiveron unha xuntanza de traballo na que abordaron diferentes cuestións de interese para a localidade, a máis importante, a tramitación do futuro parque empresarial de Paderne. Neste senso, xa se está a ultimar o documento definitivo que se someterá a avaliación ambiental para continuar coa tramitación do proxecto sectorial necesario para impulsar este parque industrial en base á nova Lei de áreas empresariais de Galicia.
Por outro lado, ambos representantes institucionais analizaron no seu encontro a opción de humanizar a contorna de Rioseco e dotala dunha área deportiva que inclúa unha piscina, así como outros servizos públicos. Dende o Goberno galego aseguran que este tipo de actuacións enmárcanse nun “compromiso” do ente autonómico “de axudar ás administracións locais a financiar este tipo de proxectos municipais que inciden de forma positiva na calidade de vida da veciñanza
