Jaime Sousa, alcalde de Cartelle: "Aprobar o plan básico e dotar de fibra óptica permitiranos fixar poboación"

O popular Jaime Sousa seguirá ao fronte do Concello de Cartelle os próximos catro ano e cun edil máis. PSOE e BNG teñen un concelleiro cada un. Mapa | Los alcaldes de la provincia de Ourense O Jaime Sousa máis persoal DATA NACEMENTO: 17/02/1962 ESTADO CIVIL: Vive en parella FILLOS: Unha filla e unha neta PROFESIÓN: Funcionario da Deputación AFECCIÓNS: Fútbol, os cabalos e a música UNHA CANCIÓN : “Otro día más sin verte” UNHA PELICULA: ”Invictus” Cales son os obxectivos para os vindeiros catro anos? O primordial é aprobar o plan básico, porque senón o facemos, temos paralizado o concello. E dotar de fibra óptica a todo o concello, que creo que vou a conseguir. É unha promesa miña e vai por bo camiño. Tamén seguir coa rehabilitación de vivendas para que aquelas persoas que se querían quedar no noso concello, poidan facelo. A colaboración está sendo un éxito, estamos xestionado que sexan prezos asequibles. De feito, estamos con 200 habitantes máis. Como se atrae poboación? Sego vendendo o meu concello como un concello dormitorio porque estamos a cinco minutos de todo e dispoñemos de practicamente todos os servizos: piscina, polideportivo, ximnasio, hípica, actividades de manualidades para os maiores todo o ano e, agora no verán, dous meses de campamento infantil gratuito para 70 nenos e actividades case cada fin de semana. E cal é o maior reto do concello? Crear postos de traballo. Pero estamos a 14 minutos do polígono de San Cibrao. En Cartelle non hai paro. Pero si que é certo que Cartelle ten un potencial forestal impresionante que se debía de explotar. É o concello da provincia onde mais crecen os pinos. Un metro por ano e o potencial que ten Cartelle é impresionante. De feito no ano 30 do século pasado había 18 serradeiros de madeira. E por outra, Cartelle ten o 90% do seu territorio en concentración parcelaria. Temos avanzado moitísimo, pero queda moito por explotar. Como van os expedientes das parcelarias? Fai uns meses fixemos a de Seixadas-Santo Tomé e estamos pendentes dunha reunión co conselleiro para continuar a de Santa Baia, e conseguir e loitar para acadar os 2 millóns de euros que fan falta para rematarla. Cando se pechen todas, miraremos de abrir novos procesos de concentración parcelaria. Que espera neste mandato da oposición? En Cartelle somos todos un equipo. Eu entendo que nos concellos necesitamos oposición, é un factor importante e, como tal, o máximo respecto e colaboración para a oposición. Trátasede sentido común e traballar polo ben do concello.