O deán rexeita facer declaracións sobre o Códice e Carbó afirma que 'só ten valor histórico' e ve 'lóxico' que apareza
O enxeñeiro pontevedrés Félix Carbó doou á Catedral de Santiago as fotografías que compoñen o seu libro 'Pórtico da Gloria. Misterio e sentido', e que foron utilizadas nunha exposición co mesmo nome que percorreu varias cidades españolas dende o inicio do Ano Santo (2010), ata a celebración da Xornada Mundial da Xuventude, en agosto deste mesmo ano.
Este luns, durante a presentación do libro de Carbó, que ao material fotográfico achega unha interpretación do significado da obra, o deán da Catedral compostelana, José María Díaz, mostrou o seu agradecemento por este 'gran regalo' que a partir de agora se exhibirá no museo catedralicio e que considera o 'mellor testemuño fotográfico do que foi o Pórtico da Gloria'.
Neste sentido, José María Díaz destacou o seu 'peso científico testemuñal', porque o abundante material fotográfico servirá para realizar 'comparacións' co resultado da restauración que a día de hoxe se leva a cabo na obra do Mestre Mateo.
Ademais, recordou o importante papel da exposición de Carbó á hora de mostrar o Pórtico aos peregrinos que visitaron a Catedral durante o Xacobeo, durante o cal as obras de restauración, impediron visitar o orixinal, rodeado de estadas durante todo o ano.
INTERPRETACIÓN 'ERRÓNEA'
Pola súa banda, Félix Carbó sinalou que este estudio interpretativo xurdiu da 'intriga' que sempre lle produciu o Pórtico e da visión que nos últimos anos apuntaba á influencia francesa da obra e que o interpretaba como unha representación do Xuízo Final, o cal Carbó considera 'erróneo'.
O mecenado desta iniciativa que pretende 'dar a coñecer un símbolo da Catedral e de Galicia no mundo' corre a cargo de Caixanova, cuxo responsable de Obra Social, Guillermo Brea, asistiu á presentación para ratificar o apoio da entidade financeira mediante 'unha achega económica' e poñendo a súa sede Sociocultural a disposición da mostra.
CÓDICE CALIXTINO
Sobre a desaparición do Códice Calixtino, o deán da Catedral non quixo facer declaracións, mentres que Carbó opinou que o devandito volume 'só ten valor histórico e sentimental', porque xa foi 'súper estudado e súper copiado'.
De feito, mesmo apuntou que 'non vale nada visualmente' e que ten 'pouco valor relixioso'. A súa importancia, sinalou, radica na parte musical, que xa foi 'estudada por tódalas partes', polo que está convencido de que 'non vale para nada' a quen o roubara. Por esta razón, Carbó vai 'lóxico que apareza', aínda que advertiu que 'o risco é que o rompan'.
Este luns, durante a presentación do libro de Carbó, que ao material fotográfico achega unha interpretación do significado da obra, o deán da Catedral compostelana, José María Díaz, mostrou o seu agradecemento por este 'gran regalo' que a partir de agora se exhibirá no museo catedralicio e que considera o 'mellor testemuño fotográfico do que foi o Pórtico da Gloria'.
Neste sentido, José María Díaz destacou o seu 'peso científico testemuñal', porque o abundante material fotográfico servirá para realizar 'comparacións' co resultado da restauración que a día de hoxe se leva a cabo na obra do Mestre Mateo.
Ademais, recordou o importante papel da exposición de Carbó á hora de mostrar o Pórtico aos peregrinos que visitaron a Catedral durante o Xacobeo, durante o cal as obras de restauración, impediron visitar o orixinal, rodeado de estadas durante todo o ano.
INTERPRETACIÓN 'ERRÓNEA'
Pola súa banda, Félix Carbó sinalou que este estudio interpretativo xurdiu da 'intriga' que sempre lle produciu o Pórtico e da visión que nos últimos anos apuntaba á influencia francesa da obra e que o interpretaba como unha representación do Xuízo Final, o cal Carbó considera 'erróneo'.
O mecenado desta iniciativa que pretende 'dar a coñecer un símbolo da Catedral e de Galicia no mundo' corre a cargo de Caixanova, cuxo responsable de Obra Social, Guillermo Brea, asistiu á presentación para ratificar o apoio da entidade financeira mediante 'unha achega económica' e poñendo a súa sede Sociocultural a disposición da mostra.
CÓDICE CALIXTINO
Sobre a desaparición do Códice Calixtino, o deán da Catedral non quixo facer declaracións, mentres que Carbó opinou que o devandito volume 'só ten valor histórico e sentimental', porque xa foi 'súper estudado e súper copiado'.
De feito, mesmo apuntou que 'non vale nada visualmente' e que ten 'pouco valor relixioso'. A súa importancia, sinalou, radica na parte musical, que xa foi 'estudada por tódalas partes', polo que está convencido de que 'non vale para nada' a quen o roubara. Por esta razón, Carbó vai 'lóxico que apareza', aínda que advertiu que 'o risco é que o rompan'.
