O director xeral do Libro, Bibliotecas e Arquivos, Francisco López, cualificou hoxe a Álvaro Cunqueiro como o 'maior fabulador da literatura europea das últimas décadas'.
Neste sentido pronunciouse durante a apertura do curso que dedica ao escritor galego a Universidade Internacional Menéndez Pelayo (UIMP) para conmemorar o centenario do seu nacemento.
Luis Mateo Díez, César Antonio Molina, Víctor Freixanes e Marina Mayoral serán algúns dos escritores que repasarán o universo literario de Cunqueiro durante este curso.
Con personaxes propias, como Fanto Fantini, ou xogando ao redor doutros universais como Merlín, Sinbad ou Hamlet, o escritor lugués Álvaro Cunqueiro (1911-1981) configurou unha das apostas literarias máis orixinais da literatura galega do século XX.
A visión, persoal e intransferíbel de Cunqueiro, acabou incorporada ao patrimonio cultural galego, marcando o xeito en que o imaxinario popular retrata menciñeiros, sochantres, feirantes ou boticarios.
A UIMP sumouse ás celebracións do centenario de Cunqueiro co curso 'Cen anos de Cunqueiro', que foi inaugurado hoxe na sede do Arquivo do Reino de Galicia e que se prolongará até o vindeiro venres.
Coordinado polo escritor e xornalista Carlos G. Reigosa, o programa comprende un repaso por todas as facetas da obra do autor galego, desde a súa narrativa e teatro, talvez as mellor coñecidas, ás súas colaboracións en prensa ou a súa creación poética.
O equipo de profesores do curso está composto na súa práctica totalidade por escritores, xa que ademais do propio Reigosa, as sesións correrán a cargo de autores como Luis Mateo Díez, Víctor Freixanes, César Antonio Molina, Inmaculada López Silva, Marina Mayoral, Domingo Villar e Arcadio López.
Durante o acto de inauguración do curso, o director xeral do Libro , Bibliotecas e Arquivos cualificou o Cunqueiro como o 'maior fabulador da literatura europea das últimas décadas e herdeiro natural dos trobadores medievais'.
Segundo López, o gran mérito de Cunqueiro non foi só recoller a 'enraizada tradición da oralidade galega' senón 'empregar o seu enorme talento para renovala e reforzala, até convertela nunha obra literaria tan abundante como tremendamente orixinal'.
Afirmou que cando un le a Cunqueiro poden ser lembradas as historias de antepasados e admirar os modernos recursos narrativos que utilizaba o escritor mindoniense.
'Nesa mestura radica o éxito da construción dun universo máxico que anticipou o camiño por que despois discorrería boa parte da novela do último terzo do século XX', asegurou López.
Para o responsábel da Dirección Xeral do Libro, Bibliotecas e Arquivos, tal capacidade para fabular só a pode despregar 'un auténtico soñador, un fabulador que cando escribía describía as illas en que Ulises pasaba a súa mocidade inspirándose nas Cíes e en Sálvora'.
'Cando pintaba un porto do golfo Pérsico, pensaba en Foz ou en Viveiro; e cando falaba da Bretaña do Sochantre de Pontivy, en verdade falaba de Galicia, porque no fondo era de Galicia do que sempre falaba Cunqueiro', apostilou.
Luis Mateo Díez, César Antonio Molina, Víctor Freixanes e Marina Mayoral serán algúns dos escritores que repasarán o universo literario de Cunqueiro durante este curso.
Con personaxes propias, como Fanto Fantini, ou xogando ao redor doutros universais como Merlín, Sinbad ou Hamlet, o escritor lugués Álvaro Cunqueiro (1911-1981) configurou unha das apostas literarias máis orixinais da literatura galega do século XX.
A visión, persoal e intransferíbel de Cunqueiro, acabou incorporada ao patrimonio cultural galego, marcando o xeito en que o imaxinario popular retrata menciñeiros, sochantres, feirantes ou boticarios.
A UIMP sumouse ás celebracións do centenario de Cunqueiro co curso 'Cen anos de Cunqueiro', que foi inaugurado hoxe na sede do Arquivo do Reino de Galicia e que se prolongará até o vindeiro venres.
Coordinado polo escritor e xornalista Carlos G. Reigosa, o programa comprende un repaso por todas as facetas da obra do autor galego, desde a súa narrativa e teatro, talvez as mellor coñecidas, ás súas colaboracións en prensa ou a súa creación poética.
O equipo de profesores do curso está composto na súa práctica totalidade por escritores, xa que ademais do propio Reigosa, as sesións correrán a cargo de autores como Luis Mateo Díez, Víctor Freixanes, César Antonio Molina, Inmaculada López Silva, Marina Mayoral, Domingo Villar e Arcadio López.
Durante o acto de inauguración do curso, o director xeral do Libro , Bibliotecas e Arquivos cualificou o Cunqueiro como o 'maior fabulador da literatura europea das últimas décadas e herdeiro natural dos trobadores medievais'.
Segundo López, o gran mérito de Cunqueiro non foi só recoller a 'enraizada tradición da oralidade galega' senón 'empregar o seu enorme talento para renovala e reforzala, até convertela nunha obra literaria tan abundante como tremendamente orixinal'.
Afirmou que cando un le a Cunqueiro poden ser lembradas as historias de antepasados e admirar os modernos recursos narrativos que utilizaba o escritor mindoniense.
'Nesa mestura radica o éxito da construción dun universo máxico que anticipou o camiño por que despois discorrería boa parte da novela do último terzo do século XX', asegurou López.
Para o responsábel da Dirección Xeral do Libro, Bibliotecas e Arquivos, tal capacidade para fabular só a pode despregar 'un auténtico soñador, un fabulador que cando escribía describía as illas en que Ulises pasaba a súa mocidade inspirándose nas Cíes e en Sálvora'.
'Cando pintaba un porto do golfo Pérsico, pensaba en Foz ou en Viveiro; e cando falaba da Bretaña do Sochantre de Pontivy, en verdade falaba de Galicia, porque no fondo era de Galicia do que sempre falaba Cunqueiro', apostilou.