Novacaixagalicia vendeu outro 4% da súa participación en Pescanova, por máis de 23,3 millóns de euros, unha operación coa que logrou unha plusvalía bruta a nivel consolidado de 3,5 millóns de euros, informou a entidade nun comunicado á Comisión Nacional do Mercado de Valores (CNMV).
O paquete, de 777.866 accións, pasa á propia Pescanova, a través dun 'equity swap'. Os títulos, representativos do 4% do capital social, foron vendidos por un prezo de 30 euros por un. A operación realizouse a través de ACF.
Tamén a sociedade con sede en Chapela (Redondela, Pontevedra) comunicou á CNMV a transacción a realización dun 'equity swap' sobre 777.866 accións propias.
Deste modo, Novacaixagalicia continúa co seu plan de desinvestimento, que levou á entidade a desprenderse da maior parte das súas accións en Pescanova. O pasado 7 de xuño confirmou a venda dun 5,1% da súa participación, que foron adquiridas polo propio presidente da empresa de alimentación, Manuel Fernández de Sousa-Faro, quen tamén adquiriu o 23 de maio outro 15% que vendeu a caixa.
Na primeira das operacións obtivo unha plusvalía de 20,8 millóns, mentres que na realizada a inicios de mes foi de 6,4 millóns. Ademais, a entidade financeira vendeu un 0,4% das accións de Pescanova tras a fusión de Caixa Galicia e Caixanova, co fin de evitar unha OPA, á que estaría obrigada por acumular máis dun 30% do capital.
Tras este último movemento, Novacaixagalicia controla unicamente o 0,6% da sociedade alimentaria.
Tamén a sociedade con sede en Chapela (Redondela, Pontevedra) comunicou á CNMV a transacción a realización dun 'equity swap' sobre 777.866 accións propias.
Deste modo, Novacaixagalicia continúa co seu plan de desinvestimento, que levou á entidade a desprenderse da maior parte das súas accións en Pescanova. O pasado 7 de xuño confirmou a venda dun 5,1% da súa participación, que foron adquiridas polo propio presidente da empresa de alimentación, Manuel Fernández de Sousa-Faro, quen tamén adquiriu o 23 de maio outro 15% que vendeu a caixa.
Na primeira das operacións obtivo unha plusvalía de 20,8 millóns, mentres que na realizada a inicios de mes foi de 6,4 millóns. Ademais, a entidade financeira vendeu un 0,4% das accións de Pescanova tras a fusión de Caixa Galicia e Caixanova, co fin de evitar unha OPA, á que estaría obrigada por acumular máis dun 30% do capital.
Tras este último movemento, Novacaixagalicia controla unicamente o 0,6% da sociedade alimentaria.
