Aumenta a dotación para proxectos empresariais de galegos retornados

A Xunta de Galicia fixo publica a nova convocatoria de axudas ao Retorno Emprendedor que, cun presuposto dun millón de euros, permitirá contar aos futuros beneficiados cun apoio económico de ata 10.000 euros, dous mil euros máis que o ano anterior, para sufragar gastos correntes orixinados pola posta en marcha dun novo negocio ou empresa. Deste xeito, a Secretaría Xeral da Emigración continúa apostando pola axuda ao retorno para facilitar a incorporación á sociedade galega tanto de aqueles que no seu día decidiron buscar unha nova oportunidade no exterior como dos seus descendentes. José Germán Ricoy e María González son dosu dos beneficiados destas axudas. A súa empresa, Buscalume, traballa no deseño de xogos de mesa. “A idea estaba en marcha antes de retornanos de Francia, pero alí estábamos con un proxecto diferente, enfocado ao mercado internacional e EEUU. cando chegou a pandemia retornamos a Galicia, e encaizamos o proxecto ás nosas capacidades, con unha perspectiva pequena pero ambiciosa. Conseguimos financiaciópn e a axuda ao Retorno Emprendedor supuxo un gran impulso, e o noso traballo chega aghora a toda España e a países coma Chile”, destaca María González. As axudas ao Retorno Emprendedor supoñen unha aportación directa de 6.000 euros, aumentable en 1.000 se emprende unha muller e de 3.000 máis se a empresa se instala nun concello do rural galego. O obxectivo das mesmas é que o emprendedor poida fixar a súa residencia e integrarse social e laboralmente na sociedade, realizando nela as súas actividades empresariais e profesionais, favorecendo así, ademais, ao desenvolvemento do tecido empresarial de Galicia. Os interesados teñen ata o 30 de setembro para facer a solicitude Nos últimos anos, estas axudas permitiron destinar, dende a Secretaría Xeral da Emigración, máis de 3M€ para a posta en marcha de máis de 500 proxectos empresariais en Galicia, cun impacto de inversión superior aos 25 millóns de euros para a economía galega. A idade media dos emprendedores retornados que solicitaron nos últimos anos unha axuda a través da Secretaría Xeral da Emigración para a posta en marcha dunha iniciativa empresarial é de 41,5 años. El 49% do total ten menos de 40 anos. Por outra parte, entre os datos obtidos do balance atópanse que o 45% dos emprendedores que puxeron en marcha unha iniciativa empresarial fixérono nun concello do rural galego. Ademais, o 70% tiña formación específica do proxecto que puxeron en marcha. María González, de Buscalume, sinala que “esta iniciativa e os profesionais de Emigración axudaron moito a tramitar o papeleo e tramitar as axudas. descubrimos que como retornados tiñamos acceso a retornados. Explicaronnos todo o necesario e se faltaba algunha couda nos axudaron a conseguila. As axudas foron fundamentais no comezo da nosa actividade, e permítennos seguir crecendo”. O secretario xeral da Emigración, Antonio Rodríguez Miranda, lembra que este tipo de iniciativas facilitan o acollemento a quen desexa iniciar unha nova vida en Galicia, recordando que os interesados tamén poden informarse de todo tipo de axudas ao retorno nas Oficinas Integrais de Asesoramento e Seguimento ao Retorno situadas nas principais cidades galegas, financiadas a través do Fondo Social Europeo. Estas axudas forman parte das accións específicas da Estratexia Retorna que puxo en marcha a Secretaría Xeral da Emigración en 2018. A Xunta destinou máis de 20 millóns de euros en medidas específicas e outros 500 millóns de euros en distintas liñas transversais a través da Estratexia Retorna de 2020, coordinada pola Secretaría Xeral da Emigración, que facilitou que case 25.000 persoas integradas nunha familia galega retornada puideran regresar a Galicia.