O lume obrigou a desaloxar os seus traballadores, se ben ningún deles resultou ferido
Un incendio calcinou esta mañá parte dunha nave industrial no concello coruñés de Culleredo, o que obrigou a desaloxar os seus traballadores, se ben ningún deles resultou ferido, informan a fontes municipais.
O lume comezou sobre as 08:15 horas nas instalacións de Industrias Caamaño, situadas no núcleo de Alvedro.
Unha gran fumareda alertou aos veciños das inmediacións, se ben varias dotacións de bombeiros de Arteixo, A Coruña, Cambre e Culleredo xa están a controlar o perímetro e arrefrían a zona.
Polo momento descoñécense as causas do incendio, que se propagou con rapidez debido a que o lume comezou na área de puído e pintura da nave.
