Un home de 42 anos, veciño de Ourense, foi detido por facerse pasar por un empregado da Cruz Vermella para non ter que aboar unha factura nun hotel.
Segundo fontes da Comisaría de Ourense, os feitos producíronse o pasado día 10 de xaneiro, cando un individuo, tras aloxarse no hotel, non pagou a factura correspondente e asegurou que a Cruz Vermella se faría cargo dela.
Responsables do hotel, ao intentar pórse en contacto con membros da devandita entidade para comprobar o argumento dado polo individuo, recibiron como resposta que 'en ningún caso' a citada entidade 'asumiría os gastos desta persoa', que recoñeceron como 'voluntario ocasional'.
Tras indicarlle que tiña que pagar a conta do aloxamento, o traballador abandonou o lugar coa escusa de que ía sacar o diñeiro dun caixeiro, pero non regresou ao citado hotel.
Ante estes feitos, os axentes policiais procederon á detención desta persoa, á que lle constan antecedentes por feitos similares, como presunto autor dun delito de estafa.
