O presidente da Xunta, Alberto Núñez Feijóo, apelou este xoves a poñer 'o sentido do deber' por enriba de 'intereses electorais e puntuais' tras as denuncias de non pagamento do complemento de produtividade variable e a ameaza de folga que puxeron sobre a mesa os sindicatos médicos CESM e O'mega.
Antes de recordar que a partir das 00.00 horas arranca a campaña para as eleccións do 20 de novembro, Núñez Feijóo subliñou que o complemento variable o cobra 'máis do 95 por cento' do persoal médico. 'Se hai un 5 ou 7 por cento que non o cobrou, probablemente sexa porque non cumpriu o que si cumpriu o 95 por cento restante que o cobrou', apostilou.
Ao termo do Consello da Xunta, o presidente remarcou o 'respecto' que o Goberno galego ten polos médicos do Servizo Galego de Saúde (Sergas) e mostrouse 'convencido' de que 'saben' que o seu Executivo está a facer 'un esforzo' dende o punto de vista das infraestruturas e de atender os 'pagamentos da sanidade pública'.
A liña seguida, contrastou esta actitude coa doutros servizos autonómicos de saúde que formulan, subliñou, a 'retirada' da paga extraordinaria do persoal sanitario, ou 'suspenderon' os pagamentos de concertos ou a tramitación de facturas.
'Galicia segue facendo infraestruturas sanitarias novas que son, sen dúbida, para os seus propietarios, que son os galegos, e que usarán os profesionais sanitarios', aseverou.
CATÁLOGO DE FÁRMACOS
Por outra banda, preguntado por se se rexistraron incidencias na aplicación do catálogo ampliado de fármacos, Núñez Feijóo replicou que os galegos e os seus profesionais sanitarios xa 'están acostumados' a unha medida á que Galicia, reiterou, adiantouse 'hai meses.
'Ao final acredítase que aquel recurso de inconstitucionalidade sobre o catálogo galego foi a base fundamental para desbloquear un compromiso coa realidade do Sistema Nacional de Saúde (SNS) a través do financiamento dos medicamentos co mesmo principio activo que outros e con menor prezo', defendeu.
Con todo, considerou que é 'lamentable' que o Goberno publique esta medida 'dúas semanas antes de rematar a lexislatura' cando 'o lóxico' sería, interpretou, que o fixese 'como mínimo cando empezou a crise'.
'Se estivese operativo en 2007 hoxe teriamos un sistema máis saneado, con máis opcións de facer infraestruturas sanitarias e menos déficit no Sistema Nacional de Saúde,' reivindicou, para engadir que se a medida se adoptase cando 'Galicia empezou' agora habería 'máis de 1.500 millóns de euros menos de gasto farmacéutico no SNS.
Ao termo do Consello da Xunta, o presidente remarcou o 'respecto' que o Goberno galego ten polos médicos do Servizo Galego de Saúde (Sergas) e mostrouse 'convencido' de que 'saben' que o seu Executivo está a facer 'un esforzo' dende o punto de vista das infraestruturas e de atender os 'pagamentos da sanidade pública'.
A liña seguida, contrastou esta actitude coa doutros servizos autonómicos de saúde que formulan, subliñou, a 'retirada' da paga extraordinaria do persoal sanitario, ou 'suspenderon' os pagamentos de concertos ou a tramitación de facturas.
'Galicia segue facendo infraestruturas sanitarias novas que son, sen dúbida, para os seus propietarios, que son os galegos, e que usarán os profesionais sanitarios', aseverou.
CATÁLOGO DE FÁRMACOS
Por outra banda, preguntado por se se rexistraron incidencias na aplicación do catálogo ampliado de fármacos, Núñez Feijóo replicou que os galegos e os seus profesionais sanitarios xa 'están acostumados' a unha medida á que Galicia, reiterou, adiantouse 'hai meses.
'Ao final acredítase que aquel recurso de inconstitucionalidade sobre o catálogo galego foi a base fundamental para desbloquear un compromiso coa realidade do Sistema Nacional de Saúde (SNS) a través do financiamento dos medicamentos co mesmo principio activo que outros e con menor prezo', defendeu.
Con todo, considerou que é 'lamentable' que o Goberno publique esta medida 'dúas semanas antes de rematar a lexislatura' cando 'o lóxico' sería, interpretou, que o fixese 'como mínimo cando empezou a crise'.
'Se estivese operativo en 2007 hoxe teriamos un sistema máis saneado, con máis opcións de facer infraestruturas sanitarias e menos déficit no Sistema Nacional de Saúde,' reivindicou, para engadir que se a medida se adoptase cando 'Galicia empezou' agora habería 'máis de 1.500 millóns de euros menos de gasto farmacéutico no SNS.
