Unha fronte fría moi activa asociada a unha profunda borrasca centrada ao norte de Escocia atravesará Galicia durante a xornada do martes, o que orixinará ceos moi nubrados en xeral con precipitacións, localmente persistentes, e apertura de claros durante a tarde polo noroeste.
As temperaturas experimentarán un ascenso entre lixeiro e moderado, especialmente as mínimas.
Os ventos soprarán do suroeste, moderados no interior e fortes no litoral e nas zonas altas.
Temperaturas previstas para mañá:
A Coruña, 13°/16°; Cuntis, 11°/13°; Ferrol, 13°/16°; Fisterra, 14°/15º; Lalín, 7°/12°; Lugo, 9°/13°; Monforte, 8°/13°; O Barco, 7/13°; Ortigueira, 12°/16°; Ourense, 9°/15°; Pedrafita, 4°/8°; Pontevedra, 13°/15°; Ribadeo, 11°/16°; Santiago, 11°/13°; Verín, 7°/13°; Vigo, 13°/15°; Vilagarcía, 13°/15°; Viveiro, 11°/16°.
Estado do mar:
Costa Cantábrica: Vento do suroeste, forza 5 a 7 pola mañá a 5 a 6 pola tarde; de mar de vaga a forte marusía. Visibilidade regular. Mar de fondo do noroeste, con ondas de 4 a 5 metros pola mañá a 5 a 6 metros pola tarde.
Ártabro e Bares: Vento sudoeste, forza 6 a 8; mar de vaga. Visibilidade de mala a regular. Mar de fondo do noroeste, con ondas de 5 a 6 metros pola mañá a 6 a 7 metros pola tarde.
Costa da Morte: Vento do suroeste, forza 6 a 7; mar de vaga. Visibilidade de mala a regular. Mar de fondo do noroeste, con ondas de 5 a 6 metros pola mañá a 6 a 7 metros pola tarde.
Rías Baixas: Vento do suroeste, forza 6 a 7 pola mañá a 5 a 6 pola tarde; de mar de vaga a forte marusía. Visibilidade mala. Mar de fondo do noroeste, con ondas de 4 a 5 metros pola mañá a 5 a 6 metros pola tarde.
