Hai outro mariñeiro falecido e outros catro desaparecidos. O único supervivente ata o de agora é un galego, rescatado por otro barco pesqueiro.
Un veciño de Muros foi identificado entre os dous falecidos rescatados tras o naufraxio do pesqueiro 'Santa Ana' este luns en Asturias, mentres que outros dous tripulantes do mesmo municipio galego permanecen desaparecidos e un cuarto foi rescatado con vida.
Así o confirmaron fontes de Salvamento Marítimo, que precisaron que o outro corpo recuperado se corresponde cun cidadán portugués.
Tras o naufraxio foron rescatados os corpos de dous falecidos e tamén o patrón da embarcación, de bandeira portuguesa e armador de Muros, tamén procedente de Muros e que presentaba síntomas de hipotermia, quen foi trasladado ao Hospital San Agustín, en Avilés.
Os corpos dos dous falecidos recuperados foron levados pola embarcación 'Salvamar Rigel' ata a dársena San Juan de Avilés, onde foron entregados á Policía Xudicial, tras o que foron identificados como un veciño de Muros e outro cidadán portugués.
O pesqueiro afundiuse tras embarrancar na illa de Erbosa e quedou semihundido pola zona de popa. Ás 5.30 horas o pesqueiro 'Cidade de Albufeira' contactó co Centro de de Coordinación de Salvamento (CCS) situado en Gijón para alertar sobre o posible afundimento do pesqueiro 'Santa Ana', xa que non conseguía contactar con este.
A bordo ían nove tripulantes, de eles cinco españois, catro galegos e un asturiano que montou en Avilés, de onde o barco partiu uns 45 minutos antes do sinistro. Os outros catro tripulantes desaparecidos da embarcación, ademais de dous galegos, son dous mariñeiros de orixe indonesia e dous portugueses.
O CCS mobilizou a embarcación de intervención rápida 'Salvamar Rigel' e ao helicóptero 'Helimer 203'. Ás 5.58 horas o pesqueiro 'Maresco', que tamén se atopaba pola zona do naufraxio comunicou que rescatara un tripulante do 'Santa Ana' e procedeu cara ao porto de Luanco, onde foi asistido por unha ambulancia e levado ao hospital.
No dispositivo participaron o helicóptero 'Helimer 203', as embarcacións 'Salvamar Rigel' e 'Salvamar Capella' e un equipo de Mergulladores da Base Estratéxica de Fene (A Coruña), ademais de dúas patrulleiras da Guardia Civil e a Cruz Vermella.
