Unha medida que afectará principalmente aos trens Alvia que unen Galicia con Madrid e aos do Eixe Atlántico, que conectan A Coruña, Santiago e Vigo.
Segundo explicou a operadora, na relación Galicia-Madrid, Renfe ofrecerá case 3.000 prazas máis das habituais repartidas no período vacacional. A compañía prevé que o domingo 20 de abril será o día no que se produza o maior número de desprazamentos, polo que reforzará o servizo entre Galicia e Madrid con máis de 1.000 prazas.
Por outro lado, os reforzos nos trens de Media Distancia que operan en Galicia experimentarán un incremento superior ás 4.000 prazas, que se concentrarán no Eixe Atlántico que une as cidades da Coruña, Santiago e Vigo.
Por último, o Trenhotel e o Alvia que unen Galicia con Barcelona verán incrementada a súa capacidade en case 3.000 asentos.
