O mes de novembro comezará cunha situación intermedia entre dúas frontes, a de hoxe luns e outra que se irá achegando paulatinamente desde o Atlántico.
Con esta situación, o máis característico serán as néboas do interior, que terán unha lenta disipación, e os ceos con nubes de tipo medio e alto alternando con momentos de apertura de grandes claros; xa cara á noite podería producirse algún chuvasco illado na provincia de Ourense.
As temperaturas descenderán entre lixeira e moderadamente. Os ventos soprarán de compoñente sur e irán gañando intensidade gradualmente ao longo da tarde, alcanzando refachos fortes na zona da Costa da Morte nas últimas horas da xornada.
Temperaturas previstas para mañá:
A Coruña, 10°-18°; Cuntis, 9°-17°; Ferrol, 9°-17°; Fisterra, 10°-16º; Lalín, 3°-15°; Lugo, 4°-16°; Monforte, 6°-17°; O Barco, 4-17°; Ortigueira, 10°-17°; Ourense, 7°-18°; Pedrafita, 3°-12°; Pontevedra, 9°-18°; Ribadeo, 10°-17°; Santiago, 8°-15°; Verín, 1°-16°; Vigo, 10°-18°; Vilagarcía, 9°-17°; Viveiro, 10°-17°.
Estado do mar:
Costa Cantábrica: Vento suroeste pola mañá, sueste pola tarde, forza 2 a 3 pola mañá a 2 a 4 pola tarde; maraxe. Visibilidade boa. Mar de fondo do noroeste, con ondas de 3 a 4 metros pola mañá a 2 a 4 metros pola tarde.
Ártabro e Bares: Vento sur, forza 2 a 4 pola mañá a 3 a 5 pola tarde; de maraxe a marusía. Visibilidade boa. Mar de fondo do noroeste, con ondas de 3 a 4 metros.
Costa da Morte: Vento sur, forza 2 a 4 pola mañá a 5 a 6 pola tarde; de maraxe a forte marusía. Visibilidade de boa a regular. Mar de fondo do noroeste, con ondas de 3 a 4 metros.
Rías Baixas: Vento sueste pola mañá, sur pola tarde, forza 2 a 4 pola mañá a 4 a 6 pola tarde; de maraxe a forte marusía. Visibilidade de boa a regular. Mar de fondo do noroeste, con ondas de 3 a 4 metros pola mañá a 2 a 4 metros pola tarde.
