O Concello de Vilardevós aprobou as bases para a contratación de cinco persoas para postos temporais: un oficial de segunda albanel e catro pións de obras públicas e xardinería para a brigada municipal de obras e servizos do municipio de Vilardevós.
A oferta de emprego, que seguirá o sistema de concurso oposición, fíxose pública no Boletín Oficial da Provincia de Ourense o 15 de maio, polo que os interesados poderán presentar as súas solicitudes no rexistro do concello de 09,00 a 14,00 horas, durante o prazo de 5 días hábiles seguintes ao da publicación do anuncio.
Os interesados en optar a estes cinco postos de emprego ofertados polo consistorio deberán recoller os requisitos establecidos nas bases que se atopan a disposición do público na casa consistorial e tamén na sede electrónica do Concello de Vilardevós.
