O PSdeG de Vilardevós critica o abandono das áreas recreativas do concello, entre as que se atopa a Cidadella, dentro da ruta do Contrabando: "Non fan mantemento de nada, antes rompíase un pau e púñase novo, agora non", explica Julio Prada, portavoz dos socialistas.
Ante a crítica da oposición, Manuel Cardoso, alcalde de Vilardevós, asegura que "nós realizamos o mantemento destas zonas, aínda a pasada semana foron a limpar os contedores e recoller o lixo", engadindo que "o que pasa é que a oposición colleu un momento no que se encheu unha papelera, porque non temos alí todos os días unha persoa da mañá á noite", sobre o estado dos contedores de lixo en A Cidadella, motivo da última crítica socialista.
Prada destaca que "non vale de nada poñer papeleras se despois non se recolle o lixo, é unha pena que pase nun sitio tan bonito", ademais da maleza na ruta del Contrabando. Cardoso explica que "fai pouco estivo un obreiro limpando durante dúas semanas os sendeiros e a zona".
A pesar disto, os socialistas insisten na crítica da xestión do Partido Popular, xa que "o denominador común dos gobernos populares é facer que todo o que fixeron os demais non exista, e aiquí en Vilardevós tamén o cumplen a rajatabla, véxase o estado da Cidadella... Que por moito que digan, todo se vai estragando", conclúe Prada.
