Se llevará a cabo los dos próximos viernes del mes a partir de las 20 horas, participan 14 establecimientos de la villa
As tostas serán as protagonistas da primeira xornada do 2019 da Ruta das Tapas, prevista para hoxe e o próximo 11 de xaneiro, e na que participan 14 establecementos hostaleiros do Carballiño. O evento foi presentado onte na Cafetería Roraima nun acto ao que asistiron representantes destes bares, restaurantes e mesóns, así como o concelleiro de Turismo, Manuel Dacal; a xerente do Centro Comercial Aberto (CCA), Noelia Mares, e a representante de Pazo Tizón, Raquel Cabo.
Elaboradas cos máis diversos ingredientes, como varios tipos de queixo, ovos, turrón, pementos, laranxa, mango, mazá e frutos do bosque, estarán a disposición dos clientes a partir das 20,00 e ata as 23,00 horas.
As tapas terán premios de 10 euros, que se poden canxear nas oficinas do CCA por cheques de compra; botellas de viño Pazo Tizón; copas Estrella de Galicia e bolígrafos, entroutros. Tamén se poderán obter vales para os dous balnearios do Carballiño e entradas para os partidos de C.D. Arenteiro.
