A Guardia Civil da localidade ourensana do Carballiño detivo a un mozo veciño do municipio de Maside (Ourense) pola subtracción de 150 metros de cable de cobre das obras do AVE.
Segundo informou o Instituto Armado, ás 11.00 horas do martes 15 de outubro foi arrestado C.G.L., de 28 anos de idade e veciño de Maside, como presunto autor dun delito de roubo con forza.
O mozo foi detido acusado de apoderarse de 150 metros de cable de cobre o pasado día 6 de outubro nas obras do AVE no tramo de Ponte Ambía-Taboadela.
As dilixencias instruídas en relación con estes feitos foron remitidas ao Xulgado de Instrución Número 1 de Ourense.
