O Aparthotel Arenteiro do Carballiño celebra hoxe a gala de entrega do Galardón da Arenteira, que cumpre neste 2020 a novena edición. Os premios que se otorgan son do ámbito da cultura, deportivo e a título póstumo. O xurado elixiu por unanimidade outorgar o galardón na categoría de Cultura, a Xosé Prada Martínez, director do grupo de teatro Tiruleque; na categoría de Deporte, a José Fernández Godoy e, a título póstumo, será a familia de Víctor Campio Pereira, poeta nado en Garabás (Maside), quen recollerá o premio.
A gala está prevista para as 20,30 horas no Aparthotel Arenteiro cumprindo estritamente a normativa de aforo por causa da covid-19, que é dun máximo de 30 persoas e coas cautelas sanitarias esixidas de distancia e hixiene, segundo sinala o presidente do xurado, José Luis Sobrado.
