O Concello de Maside ultima os preparativos da que será a 12ª edición da súa "Andaina Solidaria", que terá lugar o vindeiro domingo 1 de setembro polos sendeiros da paraxe natural de O Puzo do Lago.
Este ano, o diñeiro recadado polas inscripcións na andaina e na parella carreira popular, que están fixadas en cinco euros, será destinado na súa totalidade á Fundación Andrea, que se adica a proporcionar apoio ós nenos con enfermidades de longa duración, crónicas e terminais.
O percorrido terá unha lonxitude de 15.100 metros (15 quilómetros) e discurrirá por camiños de terra da contorna do Puzo do Lago, se ben a saída, que está fixada para as 10,00 horas, e a chegada estarán ubicadas no centro do casco urbán da capitalidade de Maside.
Ó longo do itinerario, os participantes poden atopar avituallamento líquido e sólido na chegada a meta. Debido a que a proba transcurre en gran parte pola devandita paraxe, que está declarada como de Interese Natural (Enil), a organización prega ós sendeiristas que depositen os desperdicios nas zonas habilitadas para elo.
Ó respecto, os organizadores velarán de xeito moi especial polo comportamento dos participantes, chegando incluso á súa descalificación en caso de cometer algunha infracción contra o medio ambiente.n