Un mercado alternativo de roupa e a gastronomía da zona complementan a programación para este año
O Festival Arteficial de Ribadavia completa o seu cartel coas 11 bandas que actuarán durante o décimo aniversario da existencia do evento, o día 3 do próximo mes de setembro. O X Arteficial contou neste décimo aniversario con varias actividades ao longo de todo ano e ás confirmacións das 4 primeiras bandas, súmanse agora outras 7.
O X Festival Arteficial repetirá o seu formato de festival alternativo diurno e totalmente gratuito, xa consolidado como un dos referentes da música alternativa no Norte da Península, nun marco incomparable como o é o carazón da vila medieval de Ribadavia.
O festival celebrarase desde as 12,00 ata as 23,00 horas, en tres escenarios diferenciados, polos que pasarán 11 bandas e nos que ademais haberá mercado alternativo (Fanzines, comics, roupa..) e gastronomía con pulpo e diversos produtos da zona.
Como novidade ofrécese un terceiro palco na Rúa Progreso, a partir das 23,00 horas, en colaboración coa empresa Ourensana Doppler e o colectivo da mesma localidade, Cao Can. A outra novidade deste ano son as festas post festival en diferentes pubs de Ribadavia, con Dj´s de música alternativa ata altas horas da noite.
As bandas que participarán nesta edición son: Emilio José, Sequin, Rick&Vera, Surma, Thee Blind Crows, Bala, Guerrera, Igmig, Fogbound, Pálida e Mounqup.
