A localidade de Beiro, en Carballeda de Avia, inaugurou a sede da Asociación Cultural Eirasenda, entidade que ten coma obxectivo fundacional a dinamización do tecido cultural do occidente ourensán, tentando atopar mecanismos para atallar a recesión demográfica do interior da provincia mediante alternativas económicas, a partires da posta en valor dos recursos histórico-artísticos e etnográficos.
O grupo Andasoa do Carballiño puxo a nota musical a un evento que contou coa participación de 40 persoas, que quixeron acompañar a posta de largo dun colectivo que propón coma actividades esenciais a identificación, recuperación e señalización de camiños, e a organización de accións formativas en torno as potencialidades do territorio.
