A Consellería de Medio Ambiente publicou hoxe no Diario Oficial de Galicia (DOG) o Decreto polo que se aproba o Plan de ordenación dos recursos naturais (PORN) do parque natural da Baixa Limia-Serra do Xurés.
Este novo plan de ordenación, que substitúe o aprobado no ano 1993, inclúe un total de 29.762 hectáreas, das cales 20.920 corresponden á actual superficie do parque natural e as 8.842 hectáreas restantes representan a área protexida coa que no futuro se pretende ampliar o parque.
O obxectivo deste decreto é a conservación da biodiversidade a través do mantemento dos procesos ecolóxicos esenciais, as paisaxes e hábitats, así como a conexión das poboacións de fauna e flora silvestres preservando a diversidade xenética.
Este parque natural, situado nos concellos ourensáns de Bande, Lobeira, Entrimo, Lobios, Muíños e Calvos de Randín, contará cun programa económico-financeiro para os próximos cinco anos cun orzamento de máis de seis millóns de euros.
Así mesmo, a zona comprendida polo parque da Baixa Limia-Serra do Xurés e a Peneda do Geres (Portugal) conta cunha petición para ser incluída na Rede Mundial de Reservas da Biosfera da UNESCO.
O obxectivo deste decreto é a conservación da biodiversidade a través do mantemento dos procesos ecolóxicos esenciais, as paisaxes e hábitats, así como a conexión das poboacións de fauna e flora silvestres preservando a diversidade xenética.
Este parque natural, situado nos concellos ourensáns de Bande, Lobeira, Entrimo, Lobios, Muíños e Calvos de Randín, contará cun programa económico-financeiro para os próximos cinco anos cun orzamento de máis de seis millóns de euros.
Así mesmo, a zona comprendida polo parque da Baixa Limia-Serra do Xurés e a Peneda do Geres (Portugal) conta cunha petición para ser incluída na Rede Mundial de Reservas da Biosfera da UNESCO.
